parallax background

Informazioa


FORMAKUNTZAREN AURKEZPENA

Gobernanza Ireki eta Kolaboratiboaren inguruko formakuntza espezializatu honek ikasleei trebetasunak, ezaguerak, konpetentziak eta ahalmenak emango dizkie beraien funtzioak aurrera eramaterako orduan kontutan hartuz gai hau zein garrantzitsua den administrazio publikoaren eta kolaborazio publiko-pribatuaren garapen egokirako.

HELBURUAK

Etorkizuna Eraikiz estrategiaren baitan Gipuzkoako Lurralde Historikora egokitutako Gobernantza Ireki eta Kolaboratiboaren ezagutzak eskuratzea.

HARTZAILEAK

  • Bere etorkizuna Gipuzkoako Foru Administraziora zuzendu nahi duen edozein pertsona.
  • Langile publikoa izan gabe, Gipuzkoako Foru Aldundiarekin edo bere enpresa publikoekin lanean diharduen edozein pertsona (lizitatzaileak, diru-laguntzen onuradunak, etab.).
  • Gipuzkoako Foru Aldundiko langileak, Batzar Nagusietakoak, udaletakoak eta foru sektore publikoko erakundeetakoak.
  • Hirugarren sektoreko ordezkariak eta alderdi politikoetakoak.
  • Akademikoak, ikertzaileak, unibertsitateko ikasleak eta oro har, Gobernantza Ireki eta Kolaboratiboan interesa duen edozein pertsona.

METODOLOGIA

  • Formakuntzaren oinarria online metodologia da.
  • Ikasgai desberdinen idatzizko edukiak eskuragarri jarriko dira aldez aurretik finkatutako egutegia jarraituz.
  • Ikasleriak elkarren artean jardun ahal izango du eta baita irakasleriarekin dudak kontsultatu ere horretarako web plataforman 24 orduz irekita egongo den mezulari sistema baten bidez.
  • Irakasleriak prestatutako idatzizko ikasgaiak irakurri eta ikasteaz gain, ikasleriak material osagarriak ere irakurri eta ikasi beharko ditu ikasgaiaren ulermen egokia lortzeko.
  • Bestalde, irakasleriak eskatutako lanak eta ariketa praktikoak egin beharko dira idatziz. Honen bitartez, ikasleria informazioaren bilaketara ohitzea eta emandako iturri desberdinen barruan eskatutako informazioa prozesatzera behartzen da eta ateratako informaziotik planteatutako kontuak kaudimenarekin ebaztera behartzen da.
  • Online atalaren osagarri, online tutoretzak egingo dira modulu bakoitzaren amaieran, bai eta aurrez aurreko saio batzuk ere (gomendagarriak, baina ez derrigorrezkoak), ikasturtean zehar zehaztuko direnak.
  • Azkenik, eztabaida birtualetan edota tutoretza indibidual edo kolektiboetan parte hartzea ere baloratuko da.

DATAK

Hasiera data:

2021/11/29

Bukaera data:

2022/05/16

Matrikulazio epea: 2021eko urriaren 18tik azaroaren 18ra (izena eman duten pertsonekin jarriko gara harremanetan). Plaza mugatuak.

Orduak: 120.

TITULUA

Trebakuntza amaitzean, ikasleek UNED-Bergara Ikastetxe Elkartuak emandako ziurtagiria jasoko dute.

HIZKUNTZA

Ikastaroaren hizkuntza ofiziala espainiera da, nahiz eta gaiak euskaraz ere egongo diren.

PREZIOA

Matrikula tasak:

Arrunta: 400 €

Murriztua: 275 €

Matrikula murriztua honako kasu hauetan ordainduko da:

• Gipuzkoako Foru Aldundiko eta haren sektore publikoko erakundeetako langileak (beren posta korporatiboaren bidez eman beharko dute izena).

• Gipuzkoako Batzar Nagusietako langileak (beren posta korporatiboaren bidez eman beharko dute izena).

• Gipuzkoako udaletako langileak (udal bakoitzeko gehienez bi matrikula murriztu, beren posta korporatiboaren bidez eman beharko dute izena).

• Euskadin egoitza duten Gobernuz Kanpoko Erakundeetako langileak (beren posta korporatiboaren bidez eman beharko dute izena).

• LANBIDEn edo SEPEn izena emandako langabeak (dagokion egiaztagiria aurkeztu beharko dute).

• Familia ugariarengatik onuradunak diren pertsonak (indarrean dagoen egiaztagiria aurkeztu beharko dute).


Kolaboratzaileak

Globernance-Logo Asmoz-Logo